ഉണ്ടാകുമോ ലയനമെന്ന ചോദ്യവു-
മതിന് പിന്പറ്റി വീഴുന്ന
നെടുവീര്പ്പുകളുമായിരുന്നെന്റെ ജീവിതം
കുറച്ചേറെ നാളുകളായ്
അറിയാമെനിക്കിന്നീ പകലിലേ-
ക്കൊരു ദു:സ്വപ്നത്തിന്റെ കൈപിടിച്ചുണരവേ
നാളെയാണ് വി എസ് സര്ക്കാരിന്റെ
അവസാന കാബിനറ്റ്
നാളേയ്ക്കപ്പുറം വേദികളില്ലിനി-
യൊരു തീരുമാനമെടുക്കാന്
നാളേയ്ക്കപ്പുറം...
മിഴികളില് തെളിയുന്ന
പ്രതീക്ഷയുടെ നാളങ്ങള്തന്നാളല് കാണണ്ട
"അളിയാ നടക്കുമോടാ?"
എന്ന ചോദ്യത്തിലൊളിപ്പിച്ച വിങ്ങലറിയണ്ട
പ്രണയിച്ച് മതിയാവാത്തവളുടെ
മൂര്ദ്ധാവിലുമ്മ നല്കി,
നാലഞ്ച് കൊല്ലങ്ങളിലെ
ഉത്സവഛവികലര്ന്ന രാപ്പകലുകള്ക്ക് നന്ദി ചൊല്ലി,
ഒരു പായില്
പലവരി കോഡുകളില് ക്വറികളില്
ലൌസിപ്പിന്റെ മാദക രുചികളില്
മഞ്ഞുപോലാര്ദ്രമാം പുകച്ചുരുളുകളില്
നാം പങ്കിട്ട
ഒരു ജന്മത്തിന്റെ സുകൃതമാം സ്മരണകള് പേറി
പിരിയാം നമുക്കിനി
No comments:
Post a Comment